Sous istwa: Paj Facebook Fond-Parisien en Image

Fond-Parisien

2 avr. 2017.

Yon ti istwa sou RaraNaval lan.

#Raranaval lan se yon evénman kiltirèl ki fèt lakay nou sou fòm kanaval epi ki melanje ak Rara ke nou fete chak moman paskal lan. Yon rasanbleman ki antre nan tradisyon komin lan spesyalman lakay nou Fond-Parisien, Haiti.

Se te nan lanne 1987 nan menm lanne konstitisyon amande nou, jou ki te 19mas lan, yon gwoup zanmi te sòti ansanm, Nou kapab site kèk tankou: (Claudy Polynice, Luckner Chery, Molet Ciceron, Nerestant Leclerc) Yo te akonpanye ak youn nan prensipal lidè mouvman sa defen #Bertho #Jacquet pou al pran plezi yo nan yon ti katye bò yon sous ki rele nan be. Yo te akonpanye ak yon ti machin ki te gen mizik kote yo te pran lari ap danse, yo te wè sa bay yon anbyans menm jan ak kanaval kapital peyi nou, e answit yo te kenbe bèl manifestasyon sa ki reyini pèp Fonparizyen an pou pran ti plezi yo.

Tèm #RaraNaval lan se yon anchènman ak mo Kanaval epi rara, paske manifestasyon sa fèt nan epòk Rara ki vin melanje ak aktivite ke nou fè ak cha, dj, ki sanble ak Kanaval nasyonal lan epi patisipasyon Rara nan mouvman vin bay mo sa ki se:"#Raranaval" mo an ki te parèt nan lanne 1990.

#Raranaval lan toujou genyen 4cha ladan'l sou pakou an.

Tankou: premye cha nou se #Plezi #Lakay ki pote koulè woz ak blan ki te kòmanse aktivite an 1987 ak yon ti machin apre ki vin gen yon vrè cha k'ap fete 30an egzistans li ak aktivite sa.

Answit nou te vin genyen 2è cha nou #BanbochLakay ki te stang ki vin cha nan

lanne 2002 ki pote koulè vè ak blan. Apre nou te vin gen #BazKèkal ki t sou stang ki vin bay #AnbyansLakay ki pote koulè jón abriko ak nwa kòm 3èm cha nou ki fè prezans li an 2003 pou rann aktivite sa pi bèl, yon cha ki toujou genyen sou li gwo Dj Lakay nou #Dj #Joubert. An 2011 #Gaieteplus ki genyen pou koulè li wouj ak blan vin antre nan aktivite sa kòm 4èm cha ke nou genyen. Se 4 Cha sa yo ki met anpil bote nan Raranaval lan. E n'ap raple gen gwo gwoup ki konn vin patisipe ak nou sou cha yo, tankou: #Ram #Tokay ak #Koudjay.

Cha yo pa sèl konpozan ke nou te genyen nan #raranaval lan, Nou te genyen bann tou tankou: #ToudousRaRa #BigFamilyRara #Kòkòy,#Galaxy #Band jounen jodi a

aktivite sa vin makonnen ak plizyè tip rara ki jwe nan rit diferan tankou #TidèRara #MateloRara e genyen ki pa prezan nan aktivite an ankò. E anplis nou te konn gen defile devan cha ak twoup sa yo tankou:#Cosmos #Full #Power #Staff #Lojik #Cobra twoup sa yo ki pa egziste ankò. Sèl bèl inisyativ ke nou genyen e nou mande ki pou

ankadre anpil pou nou pa pèdi'l se CREACUL yon gwoup ki angaje'l pou fè defile dans ak anpil jèn, sa ki toujou fèt nan aprè midi avan sòti cha yo. Nou genyen stang ki toujou fè bote dekorasyon lari an tankou:#LaFamilia ki pa la ankò epi #Lajenès an #aksyon, #Rue

#Kènizan,#Paradi, #Feelinglakay, yon fwa #RCH 2000 te patisipe ak nou tou.

#RaraNaval lan se yon bèl aktivite, yon aktivite ke tout komin yo ta dwe vin patisipe ak nou. Yon rasanbleman ki pa fasil gen aksidan, ki fete nan tèt ansanm, san estrès.

. 1987-2017 fè nou 30an nan aktivite sa. Pandan n'ap konseye tout konsène, tout manifestan, tout sòt relijyon, tout kouch sosyal, tout atis met men nan pat lan pou kite yon evénman inoubliyab nan panse chak moun ki vin gad aktivite sila. Se youn nan pi gwo aktivite ki kenbe kilti peyi nou nan komin lan. Nou espere ou te aprann yon ti kout nan gwo aktivite sa, E w'ap patisipe pou rann li pi bèl... Pataje'l silvouplè nan ide pou lòt moun dekouvri gwo kokenn chenn aktivite sa ki fèt lakay nou Fonds Parisien

Mèsi.

Sous: Paj Facebook Fond Parisien en image.

Otè tèks la: enkoni? Nap chèche l